Backpack nga ginbilin sa Iloilo Freedom Grandstand, wala naga-unod sang bomba suno sa pulis

Iloilo City — Indi bomba ang unod sang backpack nga ginbilin sa Iloilo Freedom Grandstand. Natukiban suno kay Public Safety and Transportation Management Office head Jeck Conlu nga panapton kag mga personal nga gamit ang unod sang backpack sang ginbuksan sang kapulisan. Gin-ako naman ni alyas Jay-r sang Bicol kag tag-iya sang bag nga ginbilin niya sa Freedom Grandstand ang backpack bangud wala siya sang ginadayunan nga balay samtang nagapangita sang trabaho. Nagresulta sang pagginutok sang mga salakyan kag pagpasirado sang mga dalan sa palibot sang Freedom Grandstand ang nasapwan nga backpack. (JoMaque)