3 ka NPA members nga napatay sa engkuwentro sa Cuartero, Capiz, nakilala na
Capiz, Iloilo — Tatlo (kag indi lang isa nga una ginreport kahapon) ang napatay sa engkwentro sa tunga sang mga tropa sang gobyerno kag NPA members sa Barangay Puti-an, Cuartero, Capiz kahapon sang hapon. Naglawig sang isa ka oras ang engkwentro. Suno kay Lt. Col. Sisenando A. Magbalot, Jr. Commanding Officer sang 61st IB sang Philippine Army, napatay sa NPA sanday:
1. Federico Diaz sang Cuartero, Capiz;
2. Allan Lerona alyas Bong sang Mambusao, Capiz;
3. Remy Berayi sang Lapaz, Iloilo City
Narecover sa encounter site ang isa ka AK47, isa ka M16 kag mga dokumento. Ang mga napatay suno kay Magbalot, miembro sang Sangay sa Partido Platoon East sang NPA nga naga-operate sa Cuartero kag Maayon, Capiz. (JoMaque)