Hepe sang Mandurriao Police Station kag City Legal Officer, natalana magsapol sa mga establishemento nga wala nagapatuman sang Curfew Ordinance

Iloilo City — Makigkita si Chief Inspector Juvy Navales, hepe sang Mandurriao Police Station, kay City Legal Officer Lorna Laurea agud istoryahan ang pasaway nga mga establisemento nga wala nagasunod sa Curfew for Minors Ordinance. Kasunod ini sang operasyon sang Mandurriao police sa Smallville Complex sa diin may narescue sila nga menor-de-edad nga lalaki naga-inom sa balay ilimnan sang Oktubre 17. Nagsulat si Navales kay Mayor Joe Espinosa kag nagpabalo nga narescue ang minor sa establisemento bisan nga curfew hours na. Nakadepende na suno sa hepe sa City Government kon ano ang himuon sa mga establishments nga wala nagasunod sa ordinansa. Una na na ginpabutyag ni Navales nga i-report niya man sa Security and Guards Unit sa Campo Delgado ang mga security guards nga wala nagakooperar sa Curfew for Minors Ordinance. (JoMaque)