Councilor Joshua Alim, nagaplano nga maglunsar sang signature campaign batuk sa PECO

Iloilo City–Nagplano si Councilor Joshua Alim nga maglunsar sang signature campaign batuk sa ginareklamo nga serbisyo sang Panay Electric Company nga naga-petition sang renewal of franchise.

Mahimo sang petition si Alim kag ipapirma sa mga apektado nga konsumedor kag sa mga indi komporme sa serbisyo sang PECO.

Luyag sang konsehal mahibaluan kun anu kadamu ang nagareklamo matapos ginpabutyag ni Mayor Joe Espinosa nga masobra isa ka libo ka konsumedor lang ang nagareklamo sa PECO. Nag-apelar ini sa mga konsumedor nga magkooperar agud pamatud-an ang pahayag sang alkalde. (AGB)