60 ka mga delegado sang Janiuay sa 3rd CDSA Meet nga ginahiwat sa Lambunao, naospital matapos na-food poison

Lambunao, Iloilo — Gindala sa Lambunao District Hospital ang ginabanta 60 ka atleta sang Janiuay kag duha ka coaches matapos gin-alegar na-food poison sa billeting area sang 3rd Congresional District Sports Association (CDSA) Meet sa Lambunao National High School. Ini ang ginkomfirmar ni PO2 Jessie Fussin, imbestigador sang Lambunao Police Station. Suno kay PO2 Fussin, naka-experyensya sang pagsakit sang tiyan kag pagsuka matapos ginpahayag nakakaon sang fish fillet. May naguwa man nga report nga tubig ang ginhalinan sang pagpalanakit sang ila tiyan. Gina-imbestigaran na kon ano ang rason sang paglain sang tiyan sang mga biktima. 4 nalang ang naka-confined sa ospital nga ginalakipan sang duha ka lalaki kag duha ka babaye. (JoMaque)