Dugang nga 89 nga drug surrenderers, naggraduate sa drug rehabilitation program sang PRO 6

Iloilo City — 89 ka drug surrenderers ang nagradwar sa drug rehabilitation program sang Police Regional Office 6.  Suno kay PRO 6 Spokesperson Gilbert Gorero, ika-11 nga batch na ang nagradwar kahapon nga ginabug-usan sang 73 ka lalaki kag 16 ka babaye nga halin sa lain-lain nga barangay sa syudad. Ginhiwat ang graduation sa Church of the Latter Day Saints sa Lapaz.  Nagkomiter naman ang mga nagradwar nga drug surrenderers nga indi na magbalik sa bisyo. Suno isa sa mga mga nagradwar nga 55-anyos nga ginang, wala gid sang kaayuhan nga dala ang iya pagamit sang illegal drugs. Ginsaysay sini nga nagamit siya sang illegal nga druga bangud sang problema sa pamilya. (JoMaque)