Presidente sang Board of Directors sang CENECO nga naga-supply sang elektrisidad sa Negros, nagrekomendar sa gobierno nga magdumala sa mga vital industries sa pungsod

Iloilo — Ginarekomendar ni Mr. Roy Marfil Cordova, Presidente sang Board of Directors sang Central Electric Cooperative, Incorporated ukon CENECO, ang pagpalakat sang gobyerno sa mga vital industries sang pungsod pareho sang elektrisidad, tubig kag tranportasyon.     Nagapati si Cordova nga obligasyon sang Estado ang pagsiguro nga mahatagan sang maayo kag ensakto nga serbisyo ang publiko kag indi ini dapat pag-ihatag sa kapitalista.  Ang maayo sa kooperatiba pareho sang CENECO suno kay Cordova, ang tanan nga konsumedor ang nagapanag-iya. Magluwas sini, ginahatagan man sang grant ukon loan ang distribution utility sa mga programa pareho sang rural electrification program nga nagahatag sang elektrisidad bisan sa pinaka-remote nga mga lugar.

Ang CENECO amo ang naga-supply sang elektrisidad sa Bacolod City, Talisay City, Silay City, Bago City, Murcia kag Salvador Benedicto sa Negros Occidental.  Ginrekomendar ni Councilor Joshua Alim ang pagtake over sang gobyerno sa Panay Electric Company bangud sang madamo nga reklamo nga ginpaagi sa iya pareho sang nagtimbuok nga electric bill kag wala sang reading sa kuntador pero may naga-abot nga billing. (JoMaque)