PECO Nanindugan Nga Erroneous Billing Kag Indi Overbilling Ang Kadam-an Sa Reklamo Sang Ila Mga Konsumidor

Iloilo City – Wala sang problema sa overbilling ang mga konsumedor sang Panay Electric Company.

Suno kay Engr. Randy Pastolero, Vice President for Operations sang PECO, kaso sang erroneous billing ang ginareklamo sang madamo nga konsumedor nga nagsugod sa Lapaz.

Ginpa-athag sini nga gin-underbill sang ila daan nga meter readers kag sang natukiban sang PECO kag liwat gin-compute, nagresulta sa pagdaku sang bill bangud na-accumulate balayran sa sala nga reading.

Ginpabutyag ni Pastolero nga wala man ginasukot sang tingub sang management ang mga nabiktima sang erroneous billing. Plano sang PECO nga ipatawag liwat ang mga konsumedor nga may problema nga wala pa masettle agud nga mapangitaan sang solusyon.

(att)