Menor de edad, ginlabu kag ginlampusan sang tubo sa Mandurriao

Iloilo City — Pilason si alyas JJ, 17-anyos, natapos ginpahayag ginlabu kag ginlampusan tubo sang lalaki sa Brgy. Calajunan, Mandurriao. Suno kay alyas JJ, nagabakal siya upod ang apat ka mga abyan nga menor sang sigarilyo sa tyangge sang hinali lang siya ginlabu kag ginlampusan tubo ni Rolando Barondon, 24-anyos. Nagdepensa naman si Barondon nga nagresponde siya sa komosyon sa tunga sang mga menor kag sang nagapanag-iya sang tiyangge nga si alyas Ging-Ging kag pakaisa niya nga si alyas Patrick. Gin-ako ni Barondon nga nalampusan niya si JJ apang sa baylo tubo kag binangon, stick ang nalampos niya sa menor. Ginpahayag naman ni Ging-Ging nga nagapanerado na sila sang tyangge pasado las 10 sang gab-e sang nabati-an niya ang mga menor nga nagahambal kon sin-o nga tyangge ang ila ransakon rason ginsaway niya tubtob nagluntad ang komosyon. Preso si Barondon sa Mandurriao Police Station. May pilas naman sa ulo kag hawak si JJ. Naka-inom ang mga menor sang nagluntad ang insidente. (JoMaque)