P6.1 billion nga proyekto para sa Budburan Creek kag pagbaha sa Mandurriao, pundohan sang DPWH

Iloilo City — Nagpasalig si DPWH Secretary Mark Villar kay Mayor Jose Espinosa III nga mahatag sang P6.1 billion sa syudad sa 2019 para sa rehabilitasyon sang Budburan Creek sa Lapaz kag paghimo sang flood control sa Mandurriao. Ginpromisa ini ni Villar sa ila sinapol ni Espinosa kaupod kanday DPWH 6 ARD Al Fruto kag Engr. Rodney Gustilo sang DPWH City District Engineering Office. Ginpa-athag ni Sec. Villar nga human na ang 2018 budget gani sa 2019 na mapondohan ang mga proyekto. Samtang wala pa, ang P40 million nga sobra nga pondo sang DPWH ang ibutang gilayon sa pagpakay-o sang Budburan Creek. (JoMaque)