(UPDATE) Detainee sang PDEA 6 nga nakapalagyo, wala pa nakita

Iloilo City–Padayon ang pagpangita sa detainee sang Philippine Drug Enforcement Agency 6 nga nakapalagyo sang nagligad nga semana.

Ginapreparar nga dal-on si Reynaldo Cavintoy sang Barangay Concepcion, City Proper sa PNP Crime Laboratory sa Campo Delgado sang nagpalagyo ini paagi sa pagtaklas sa pader. Nagalibog man ang ulo sang asawa kon ngaa nagpalagyo ang iya bana bangud ginaproseso niya na ang pagpiyansa diri sa pareho nga adlaw sang nagpalagyo ang detainee.

Si Cavintoy ang nadakpan sa anti-illegal drug operation sang PDEA 6 sang nagligad nga bulan kag may kaso nga visiting drug den. (AGB)