EO nga magapasirado sa mga establisemento nga nagaserbe sang ilimnon pag-abot sang alas-2 sa kaagahon, ginpirmahan ni Mayor Joe Espinosa

Iloilo City–Ginpirmahan ni Mayor Joe Espinosa ang Executive Order nga magapasirado sang tanan nga bars, night clubs, disco bars, resto bars kag iban pa nga kapareho nga establisemento pag-abot sang alas-2 sa kaagahon.

Sa EO Number 146 series of 2017 nga ginpirmahan ni Espinosa subong nga adlaw, nabutang nga dapat manirado ang gintumod nga mga establisemento halin alas-2 sa kaagahon tubtob alas-8 sa aga. Exempted naman sa EO ang mga hotels/motels, resorts nga accredited sang Department of Tourism, restaurants apang dapat nga indi na magserbe sang ilimnon halin alas-2 sa kaagahon tubtob alas-8 sa aga kag convenience store nga mahimo makabaligya apang indi dapat pagpasugtan ang ila customers nga mag-inom sa area sa gintumod nga mga oras. Temporaryo naman nga isuspender ang EO sa Kasadyahan kag Dinagyang Festival proper.

Magapangatubang sang penalidad ang violators.

Gintugyanan naman ang Public Safety and Transportation Management Office kag Business Permits and Licensing Division nga magmonitor kag mag-implementar sang Executive Order nga maga-epekto gilayon. (AGB)