Mga firecracker vendors sa Arevalo, naghingyo kay Mayor Joe Espinosa nga magpaguwa sang Executive Order nga magapahanugot sa ila pagbaligya

Iloilo City–Nagapangabay ang mga firecracker vendors sa Arevalo kay Mayor Joe Espinosa nga magpaguwa sang Executive Order nga magapahanugot sa ila sa pagbaligya sang mga palupok sa Christmas kag New Year’s celebration.

Suno kay Derlina Fullon nga isa sa mga vendors sang firecrackers, kalabanan sa ila ang nagapanghulam lang sang capital sa negosyo kag nakasugod na bayad apang wala pa naka-umpisa sa pagbaligya.

Nagakuha sang supply ang mga vendors sa Roxas City, Capiz kag Hinigaran, Negros Occidental suno kay Fullon bangud nga wala sila sang lisensya sa paghimo sang palupok. (AGB)