Most wanted person sa Western Visayas nga nadakpan sa Marikina, ginpresentar sa media

Iloilo–Ginpresentar sa mga katapo sang media kaina sang aga si Antonio Aquino alyas Anton sang Sta. Barbara nga may warrant of arrest sa kaso nga murder kag may patong sa ulo nga P300, 000.

Gindala si Aquino sa Conference Room sang Iloilo Police Provincial Office para mapresentar sa media. Nagpasalamat ang pamilya sang ginpatay ni Aquino nga nahatagan sang hustisya ang kamatayon sang ila himata. Gin-ako ni Aquino ang krimen kag naghingyo sa pamilya  sang biktima nga pasayluhon siya sa natabu. Gagpanindugan naman sang pamilya sang biktima nga dapat bayaran ni Aquino ang nahimo sini nga sala.

Samtang usisaon ni IPPO Director PSSUP Marlon Tayaba ang iban pa nga mga kaso ni Aquino. Imbestigaran man sang IPPO ang mga nangin aktibidad ni Aquino sa Manila antes siya nadakpan.

Makabig nga breakthrough suno kay Tayaba sa kampanya batuk sa mga wanted persons sang IPPO ang pagkadakup kay Aquino. (AGB)