MIWD Board of Directors Chairman, nanindugan nga wala sila sang midnight transactions

Iloilo City–Ginpanghiwala ni Dr. Teodoro Robles, chairman of the board sang Metro Iloilo Water District ang akusasyon ni Mayor Jose “Joe” Espinosa III nga nagahimo sila sang midnight transaction bisan may cease and decist notice ang alkalde nga ginpadala sa MIWD,

Suno kay Robles, nagapadayon lang ang ila trabaho bangud wala man sang korte nga nagadeklarar nga indi na sila miembro sang Board of Directors. Baliskad ini sa panindugan ni Espinosa nga illegal kag void ang pagpungko sang MIWD Board matapos gindeklarar sang Korte Suprema nga unconstitutional ang portion sang Presidential Ddecreee 198 nga nagatumod sa appointing authority sa mga miembro sang Board sang Cebu Metropolitan Water District.

Ginpabutyag ni Robles nga nagabase lang ang board of directors sa opinion sang legal counsel sang MIWD nga sigehon ang pag-schedule sang meetings.

Gintawag ni Espinosa nga midnight transaction ang joint venture sa tunga sang MIWD kag Metro Pacific Water Investment Corporation nga wala napahibalo ang city government. (AGB)