City Government Bukas Nga Magpamati Sa Security Agency Nga DASIA Sa Reklamo Sang Traffic Enforcer Batuk Sa Ila Mga Security Personnel

Iloilo City – Bukas ang syudad nga magpamati sa Davao Security and Investigation Agency ukon DASIA angut sa reklamo ni traffic aide Leo Joseph Causing nga ginkasahan sang security personnel sang AK 47 sa Luna, Lapaz.

Suno kay Public Safety and Transportation Management Office Head Jeck Conlu, ensakto ang ginhimo ni traffic enforcer Leo Joseph Causing nga gin-ayo ang driver sang armored car sang DASIA nga magliko sa unhan bangud nagapugok ang trapiko. Ginpahayag ni Conlu nga depensahan niya ang iya tinawo ilabe na kon yara sa ensakto kag nagahimo sang ila trabaho.

Nanginwala si Causing sa akusayson sang mga guwardya nga ginsumbag ukon ginpulpog kag ginbulya-bulya niya ang armored car.  Suno kay Conlu, bisan ordinaryo nga tawo ang nakahibalo nga indi basta-basta ang kadamulon sang armored car.

Sa baylo nga magsorry, nagahimo pa suno kay Conlu sang scenario ang tatlo ka guwardiya.

(att)