Mga district hospitals sa probinsya, naka-code white alert sugod Disyembre 25 tubtub Enero 2

Iloilo — Naka-code white alert na ang tanan nga mga district hospitals sa probinsya sugod Disyembre 25 tubtob sa Enero 2.  Suno kay Provincial Administrator Raul Bañias nga amu man ang head sang Hospital Management sa provincial government, wala na sila nakapapanaug sang executive order ukon memorandum bangud na-intindihan na ini sang mga hospital personnel.  Sugod  Disyembre 25, naka code white alert ukon on-call ang tanan nga personnel sang ospital sa posible pagdamu sang mga pasyente.  Gin-ako naman ni Banias nga mas mataas ang average nga occupancy rate sa mga district hospitals sa probinsya nga naglab-ot sa masobra isa ka libo nga pasyante kada adlaw ipaanggid sa ila authorize bed capacity nga 550 lang. Sa pihak sini, nagpasalig si Banias nga may kapasidad ang natundan nga mga ospital sa pag-atender sang mga pasyente. (JoMaque)