3 ka firecracker-related injuries, narecord sa probinsya sang Iloilo

Iloilo City — Tatlo ka firecracker-related injuries ang narecord sang Department of Health 6 halin sa probinsya sang Iloilo ukon kaug-usan nga 10 sa Western Visayas halin Disyembre 25 tubtob 27.   Suno kay Dr. Mary Ann Sta. Lucia, head sang Infectious Disaster Cluster sang DOH 6,  ang tatlo naghalin sa Balasan, Calinog kag Bingawan. Napilasan sa mata ang walo ka tuig nga bata sa Balasan bangud sa pagpalupok sang buga.  Anum ka tuig nga bata naman ang napilasa bangud man sang buga sa Calinog. Samtang piccolo ang nakapilas sa 11-anyos nga bata sa Bingawan.  Nakarecord man ang DOH 6 sang apat ka injuries bangud sang firecrackers sa Bacolod City kag Negros Occidental, duha sa Capiz kag isa sa Guimaras.

Ginpahanumdom ni Dr. Sta. Lucia ang publiko nga magamit na lang sang torotot ukon magbakal sang pagkaun nga saluhan sang pamilya imbes magpalupok sang firecrackers sa pagsug-alaw sang bag-ong tuig. (JoMaque)