Regional Civil Service Unit 6, nag-athag nga isa ka lugar lang ang firecracker zone kag community fireworks display area

Iloilo City–Gintadlong ni PSSUPT Jomel John Trio, hepe sang Regional Civil Service Unit ukon RCSU 6, ang una nga pahayag angut sa pagdesignar sang firecracker zone kag community fireworks display area.

Suno kay Trio, isa lang ka lugar ang firecracker zone kag community fireworks display area sa diin puwede makapalupok sang legal nga mga firecrackers.

Kasunod ini sang pag-review ni trio sa kaundan sang implementing rules and regulations sa ginpaguwa nga Executive Order Number 28 ni Presidente Rodrigo Duterte. Luyag ni Trio nga madula ang pagsalangisag sang publiko sa kinalain sang firecracker zone kag community fireworks display area nga ginatumod sa IRR.

Gin-athag man sini nga wala nasaad sa IRR ang lugar nga puwede baligyaan sang mga palupok. Apang mahimo gihapon sindihan sa guwa sang balay ang mga pasirit, fountains, luces, aerial display cakes ukon devices base sa IRR. (AGB)