Mag-amay sa Ajuy nga ginreport nga missing, luwas nga nakita sa Guimaras

Iloilo — Luwas nga nakita ang mag-amay sa Culasi, Ajuy nga ginreport nga missing sang ila pamilya. Ginkonfirmar ni Coast Guard Iloilo Station Commander Ramil Palabrica nga nakita si John Villaruz, 36 anyos kag iya walo ka tuig nga bata nga si Cedric sa Tanag, Buenavista, Guimaras. Naguba ang makina sang pumpboat sang mag-amay samtang nagapauli halin sa Talisay City, Negros Occidental gani nga nagpa-anod na lang sila tubtub nasampay sa Guimaras. Nagbulig ang Coast Guard sa pagbalik sang mag-amay sa Culasi. (JoMaque)