Mag-utod nga nagpangisda sa Tigbauan, ginreport nga missing

Iloilo — Ginreport nga missing ang mag-utod nga mangingisda sa Barangay Baguingin, Tigbauan halin sang Sabado. Suno kay Ruby Montelijao, sa tiya sang mag-utod na Reyland 24 anyos kag Reynilo Fernandez 22 anyos, alas 8 sang sabado sang aga sang nagpalawod ang mag-utod agud nga magpangisda apang wala na nakabalik.  Nagakabalaka ang pamilya sa sitwasyon sang mag-utod gani nagpangayo sang bulig sa Philippine Coast Guard.   Gilayon nga nag-conduct sang search and rescue operation ang coast guard sa baybayon sang Tigbauan kag Guimaras apang tubtub subong, wala gihapon nakita ang mag-utod. (JoMaque)