Numero sang firecracker-related incidents, manubo

Iloilo — Manubo ang numero sang mga firecracker-related incidents sa pagsug-alaw sang bag-ong tuig. Sa record sang Aksyon Radyo, 3 ang ginreport nga firecracker related incidents sa syudad kag probinsya. Sa amu nga numero, duha diri ang natabu sa Rizal Estanzuela, City proper nga tuga sang piccolo. Napilasan ang tuo nga kumalagko ni alyas Rodel, 14 anyos samtang may injury man sa tuo nga kamot si alyas Angelo, 10 ka tuig. Sa Barangay Poblacion, Leganes, napilasan man ang wala nga tiil ni Ernesto Vargas, 67 anyos matapos naigo sang spark sang fountain.

Sa pinakaulihi nga data sang Department of Health 6 tubtub Disyembre 31 sang gab-i, naglab-ot sa 6 ang narecord nga firecracker-related incidents sa probinsya. (JoMaque)