Toyota Innova, nadisgrasya sa Circumferential Road Jaro; 2 ang patay

Iloilo City — Nayupi gid ang Toyota Innova matapos nadisgrasya sa Circumferential Road sa Barangay Tacas, Jaro. Gilayon nga gindala sa ospital ang apat ka mga lalaki nga sakay sang salakyan apang napatay ang duha suno sa pulis. Suno kay PO3 Jeffrey Janay, base sa ila initial nga imbestigasyon, napatay si certain John sang gindala sa West Visayas State University Medical Center samtang padayon nga ginabulong si  Evan Buyco.

Dead on arrival naman sa Western Visayas Medical Center si Robert Villamor suno kay PO2 Jury Junio. Estable na ang kondisyon ni  Michael Montelibano sa Iloilo Mission Hospital. Sa imbestigasyon sang pulis, naglapaw sa gutter ang salakyan tubtub naglab-ot sa talamnan. May narecover nga mga botelya sang ilimnon, resibo, OR-CR sang salakyan kag cellphone malapit sa salakyan. (JoMaque)