10 ka tribu nga magapasakup sa Ati Tribes Competition sang 50th Dinagyang Festival, magabaton sang P1-million nga subsidy

Iloilo City — Magabaton sang isa ka milyon ka pesos nga subsidy ang 10 ka tribu nga mapasakup sa Ati Tribes Competition sang ika-50 nga Dinagyang Festival. Suno kay Iloilo Dinagyang Foundation Incorporated Chairman Ramon Cua Locsin, magluwas sa mga tribu sa Ati Tribes Competition, nagtigana man sila sang P500,000 nga subsidy sa 9 ka mapasakup sa Kasadyahan Cultural Competition. Madamo sang balantayan nga bag-o nga aktibidad suno kay Locsin pareho sang Parade of Lights sa Enero 27 sa diin magaparada ang mga participants halin sa Infante padulong sa Iloilo Business Park kag ang International Cultural Night sa SM City sa Enero 26.

Ang 10 ka tribu nga mapasakup sa Ati Tribes Competition amu ang Tribu Salognon sang Jaro National High School; Tribu Paghidaet sang Lapaz National High School; Obreros sang Bo. Obrero National High School; Ilonganon sang Jalandoni National High School; Dagatnon sang Ramon Avanceña National High School; Panayanon sang Iloilo City National High School; Buntatalanit sang Tiu Cho Teg Ana Ros Foundation Integrated School; Pan-ay sang Fort San Pedro National High School; Amihan sang Mandurriao National High School kag Suludnon sang Capiz. (JoMaque)