12 ka establisemento nga naglapas sa EO 146 ni Mayor Joe Espinosa nga nagadumili sa pagserbe sang ilimnon halin alas 2 sa kaagahon, nalakip sa negative list sang BPLO

Iloilo City — Padal-an sang notice of violation sang Business Permit and Licensing Office ang 12 ka mga establisyimento nga ginpahayag naglapas sa Executive Order Number 146 ni Mayor Joe Espinosa nga nagapasirado sa mga establsyimento nga nagabaligya sang makahulubog nga ilimnon halin alas 2 sa kaagahon.  Suno kay BPLO head Norman Tabud, nalakip na sa negative list ang 12 ka mga establisyimento ukon ang mga establisyimento nga indi pa pwede makakuha sang business permit tubtob ma-justify nila kun ngaa naglapas sila sa EO.  Nagasugod na sang Enero 3 ang renewal sang business permit tubtob Enero 20.

Base sa monitoring sang Public Safety and Transportation Management Office halin Decmber 14 tubtob December 28 ang mga estalibsyimento nga ginpahayag wala naga comply sa EO ang ginabug-usan sang:  Lanai Grill kag Quix Mart sa Smallville area, Andoks, Barmart sa Diversion Road, Camp Jefferson sa Yulo Street, DDS nightclub, Karaoke Bar kag I Mart sa JM Basa Street, Wildcats sa Muelley Loney, 711 sa Ledesma Street, Seafood carwash sa Rizal Lapaz, kag Seventyn Coffee and Drinkery sa Jalandoni Jaro. (JoMaque)