PO1 Joemon Ras Cainday kag PO1 Napoleon Forbes, gin-relieve sang ICPO bangud sa ginadalahigan nga kaso

Iloilo City — Ginrelieve na sa Iloilo City Police Office sanday PO1 Joemon Ras Cainday kag PO1 Napoleon Forbes.  Umpisa kahapon, Enero 12, gin-assign sanday Cainday kag Forbes sa Police Regional Holding and Accounting Unit ukon RPHAU ,samtang naga padayun ang imbestigasyon sa ila kaso. Suno kay ICPO spokesperson Senior Inspector Shella Mae Sangrines ,ginrekomendar ni ICPO Director Henry Biñas ang pag-relieve bangud may nakita nga probable cause batuk sa duha ka mga police. Suno kay Sangrines, kon may mabakod nga ebedensya batuk kanday Cainday kag Forbes, pasakaan sila sang kaso administratibo.  Kon mapamatud-an nga nakahimo  sang grave offense sanday Cainday kag Forbes, mahimo nga mapahalin sila sa serbisyo. Si Cainday ang ginreklamo sang call center agent nga LGBT member nga si Edwin Pineda jr. nga ginpasibangdan siya sang police nga may dala nga illegal drugs sa ila pag-check in sa lodging house sa Lapaz sang damlag lang. Samtang nagreklamo ang detainee sa Arevalo Police Station nga ginsakit siya ni PO1 Forbes. (JoMaque)