Schedule sang WVRAA Meet 2018, natumod na sang DepEd 6

Iloilo City — Ginkumpirmar ni Dr. Amelita Pitalgo, OIC Education Support Division sang Department of Education nga hiwaton sa Pebrero 17 tubtub Pebrero 23 ang Western Visayas Regional Athletic Association (WVRAA) Meet 2018 sa Iloilo. Suno kay Pitalgo, kasunod ini sang pahayag ni Governor Arthur Defensor nga ipreparar sang Iloilo Provincial Government ang mga facilities nga gamiton sa nasambit nga kompetisyon. Una na ginhingyo ni Gov. Defensor nga hiwaton ang WVRAA sa Pebrero 23 tubtub sa Marso 2 bangud ginatapos pa ang repairs kag rehabilitation sang mga pasilidad apang gin-ayo sang DepEd nga tempranuhon agud makapreparar man ang mga atleta para sa Palarong Pambansa nga ginreport hiwaton sa Vigan Ilocos Sur sa Abril 16 tubtub Abril 21. (JoMaque)