45 ka mga estudyante nga participants sang Barkada Kontra Druga sa Dumangas, naospital matapos nagsakit ang tiyan

Dumangas, Iloilo —  45 ka estudyante nga participants sang Barkada Kontra Droga nga event sang Department of Education sa Dumangas ang na-ospital matapos nagsakit ang tiyan.   Suno kay Maam Aimee Apitong nga isa sa mga advisers, mga estudyante halin sa San Dionisio ang naglain ang pamatyag pagkatapos sang ila panyaga kahapon.  Nagpa-cater suno kay Apitong ang mga delegado sang Nicomedes R. Tubar Sr National High School kag Hacienda Conchita National High School sa taga-San Dionisio man. Apang pagkatapos sang panyaga nga baboy nga may uhong kag mais, nagreklamo na ang mga estudyante kag bisan pila ka advisers sang pagsakit sang tiyan. Nagpasalig ang caterer nga abagahon ang pagpa-ospital sang mga biktima. Suno naman kay Dr. Christy Magracia sang Dumangas District Hospital, posible na-contaminate ang pagkaun sang mga delegado. (JoMaque)