Pulis nga ginatudlo mastermind sa patiro patay sa empleyada sang Sara-LGU kag ginpahayag triggerman, natalana pasakaan sang kaso

Iloilo — Ipasaka buwas sang National Bureau of Investigation (NBI 6) ang kaso nga murder batuk sa suspetsado sa pagpatay kay Mae Luzuriaga nga empleyada sang Municipal Government sang Sara. Sa nakuha nga impormasyon sang Aksyon Radyo, pasakaan sang kaso sanday PO2 Keven Piosca nga ginakabig mastermind sa krimen kag Edmar Camangyan alyas Bano nga ginatudlo triggerman. Ginpahayag may pila pa ka personalidad nga wala pa na-identify apang ginapatihan may kaangtanan sa krimen. Sa initial statement ni PO2 Piosca, ginpanghiwala sini nga siya ang mastermind sa pagpapatay kay Luzuriaga. Apang nag-ako si Piosca nga may relasyon sila ni  Luzuriaga pero nagbalibad na ini nga idetalye kon paanu sila nagkarelasyon kag nagpangabay nga sa masunod lang siya mahatag sang official statement. (JoMaque)