4 lakip ang duha ka menor de edad nga nadakpan sa separado nga buy bust operation sang Enero 20, napasakaan na sang kaso

Iloilo City —  Napasaka na ang kaso batuk sa apat lakip ang duha ka menor de edad nga nadakpan sa seperado nga buy bust operations sang Sabado, Enero 20.  Suno kay Senior Inspector Kennith Bermejo, head sang Regional Drug Enforcement Unit, ang kaso may kaangtanan sa pagbaligya kag possession sang illegal nga druga ang ginpasaka kagab-i kanday Virgilio Emperio III, 27-anyos; Reynold Fruelda, 30-anyos kag duha ka 17-anyos nga sanday alyas Angela kag alyas Jeffrey.

Si Emperio ang nadakpan sa buy bust operation sa Brgy. Abilay Norte, Oton kag nakuhaan sang 21 ka sachets sang suspected shabu. Nadakpan naman si Fruelda sa Project 5, Brgy. Sooc, Arevalo kag nakuhaan sang anum ka bulto sang suspected shabu. Si Fruelda ang ginpahayag katransaksyon ni Emperio.  Nadakpan man sa Sooc, Arevalo kanday Angela kag Jeffrey nga nakuhaan sang 110 ka sachets sang suspected shabu.   Dugang nga conspiracy ang ginpasaka batuk sa mga menor nga yara subong sa kustodiya sang DSWD.  Gin-ako sang mga menor suno kay Bermejo nga sila ang naga-repack kag nagabaligya sang shabu. Gintudlo man nila ang inmate sang BJMP Ungka nga si Werjun Tanate nga nagahatag sa ila sang go signal kon diin ibaligya ang illegal drugs. (JoMaque)