General Services Office, magapahamtang sang 150 ka mga sweepers agud masiguro ang matinlo nga selebrasyon sang Dinagyang Festival

Iloilo City — Magapahamtang sang 150 ka sweepers ang General Services Office sang syudad agud magpabilin sang katinlo sa tion sang selebrasyon sang Dinagyang Festival halin Enero 26 tubtub 28.  Suno kay GSO head Joren Sartorio, lauman na ang madamu nga basura sa tion sang highlights.  Ginabanta sa 150 tubtub 200 ka tonelada sang basura ang ginapaabot nga makolekta sa tion sang highlights magluwas pa sa 300 ka tonelada nga basura nga ginakolekta kada adlaw.

Ginapangabay ni Sartorio ang mga tag-iya sang kiosko nga iseparar ang food waste sa residual waste. Ginhingyo man sini ang pagbutang sang mga basurahan para sa food waste.  Magabutang man sang portalets ang City Hall sa tanan nga judging area agud malikawan nga magpangihi sa kilid-kilid ang mga nagalantaw sang performance sang mga tribu. (JoMaque)