Presyo sang nagapaguna nga balaklon sa Iloilo, nagapabilin nga estable suno sa DTI

Iloilo–Nagapabilin nga estable ang presyo sang mga nagapanguna nga balaklon sa  suno kay Department of Trade and Industry Provincial Ddirector Diosdado Cadena kasunod sang report nga may pagsaka sa presyo sang bugas.

Sa regular monitoring sang DTI Iloilo, ginpahayag ni Cadena nga halos wala sang paghulag sa presyo sang mga basic necessities kag prime commodities nga sakop sang ahensya. Sa pagkamatuod, nagnubo pa suno sa iya ang presyo sang pila ka canned goods sang nagligad nga semana.

Ginpahayag ni Cadena nga makita man nila gihapon kon may pagbag-o sa presyo sang mga balaklon ilabe na kon nagapatuman sang tax reform law ang mga balaligyaan.

Sa subong, nagasunod pa sa  suggested retail price ukon SRP ang mga retail outlets kag handa sila nga aksyonan kon may mga reklamo sang overpricing.

Gin-ako ni Cadena nga lauman na sang publiko ang pagmahal sang presyo sang balaklon sa implementasyon sang Tax Reform for Acceleration and Inclusion ukon TRAIN law. (AGB)