Former IPPO Director Cornelio Salinas, nagalaum nga makabalik gilayon sa serbisyo
Iloilo–Nagalaum si former Iloilo Police Provincial Office director Cornelio Salinas nga i-implementar gilayon sang Department of Interior and Local Government ukon DILG ang mandu sang Court of Appeals 13th division nga pagbalik sa iya sa serbisyo.
Ini matapos ginbaliskad sang CA ang desisyon sang Ombudsman nga guilty kanday Salinas, Superintendent Nepomuceno MM Corpus Jr kag Senior Superintendent Michel Amos Filart angut sa ginpahayag ma-anomaliya nga pagbakal sang mga rubber boats nga nagabalor sang 4.54 million pesos sang 2009. Suno kay Salinas, wala sang pulos ang desisyon sang CA kun maghimo pa sang aksyon ang Ombudsman kag madugayan ang DILG sa pag-implementar bangud sang judicial process.
Nagpasalamat si Salinas bangud napamatud-an nga indi siya guilty sa akusasyon apang nag-ako nga nafrustrate siya bangud ginpabay-an siya sang Philippine National Police sang gindismiss siya sang Ombudsman sang 2015. (AGB)