(UPDATE) Ginatudlo nagtiro sa maestra sa Tigbauan, pasakaan kaso sang police matapos nakilala na

Tigbauan, Iloilo–Daku nga bulig nga na-identify na ang suspect sa pagtiro sa maestra sa Brgy. Dorong-an, Tigbauan sang Enero 29.

Suno kay Senior Inspector Hermogenes Eulatic, hepe sang Tigbauan Police Station, mahimo na sila makapasaka sang kaso batuk kay Henry Hermogenes, 39-anyos sang Brgy Intaluan, Pototan apang naga-istar sa Brgy. Angare, Dueñas. Gin-identify kahapon sang live-in partner ni Hermogenes nga si alyas Connie nga ang iya bana ang naga-angkas sa motorsiklo kag gintudlo nagtiro kay Lany Tamagos, 27-anyos sang Brgy. Buenavista, Tigbauan.

Una na nga gin-identify ni Tamagos nga si Hermogenes ang nagpara sang ginsakyan niya nga tricycle kag nagtiro sa iya paagi sa CCTV footage.

Ginahulat na lang nga matapos ang affidavit sang biktima suno kay Eulatic agud mapasaka ang kaso batuk sa suspetsado.

Wala pa na-identify ang driver sang motorsiklo nga suspect man sa krimen. Wala pa man nakapauli sa ila balay si Hermogenes suno sa iya live-in partner. (AGB)