‘Bawion ang lote kag balay’

Iloilo City–Bawiun gid sang city government ang mga lote kag balay sa mga relocation sites nga ginpa-estaran sang mga benepisyaryo sa iban nga tawo.

Suno kay Iloilo City Urban Poor Affairs Office ukon ICUPAO Chairman Roy Firmeza, ang kutob sa mga benepisyaryo nga boluntaryo nagpahalin sa mga nag-estar sa ila balay sa relocation sites dapat magbalik sang gin-award sa ila pero indi sila pag-ilakip sa mga ma-blacklist. Samtang ang mga nagpakatig-a naman, ilakip sa mga blacklisted nga personalidad ukon indi na gid mahatagan sang unit sa relocation.

Sa inisyal nga pag-isip, 90 ka mga lote kag balay sa uswag kag riverplains subdivision sa jaro ang gina-estaran sang mga indi benepisyaryo.

Ginpahayag ni Firmeza nga posible madugangan pa ang numero bangud nagapadayon pa ang validation. Prioridad naman sa hatagan sang unit ang 38 ka pamilya nga nagatenir sa transient houses sa mga relocation sites. (AGB)