Porsyon sang balay sa Burgos St., Lapaz, nasunog

Iloilo City — Nasunog ang porsyon sang balay sa Burgos Street, Lapaz pasado las nueve subong nga gab-i. Ginapanag-iyahan ang balay ni Dorotea Caluctucan suno kay Brgy. Kagawad Nerlinda Orbido. Ginapatihan naghalin ang kalayo sa kwarto ni Dorotea nga nagsaka sa second floor sang balay. Gilayon naman nga napalong ang kalayo. Base sa imbestigasyon sang BFP, ang ginsindihan nga kandila ang posible gintunaan sang kalayo. Wala sang supply sang kuryente ang nasunog nga balay. Wala sang may napilasan kasunod sang insidente. (JoMaque)