Abo Halin Sa Coal Fired Powerplant Nagtap-opk Sa Baldoza, Lapaz

District of Lapaz – Nagtap-ok ang abo halin sa Coal-fired Power Plant nga naula halin sa nagakarga nga truck sa Zone 3 Baldoza, Lapaz kagab-i.

Suno kay Punong Barangay Agustin Huesca, mga alas-7 kagab-i sang nahulog ang waste sang coal-fired sa karsada. Halos 30 ka metros sang karsada ang napuno sang naga-aso-aso pa nga abo nga nagresulta sa paglain sang pamatyag sang pila ka mga residente. Ginpahayag nga wala nasirado sang maayo ang likod sang dump truck gani nahulog ang abo.

Plano ni Punong Barangay Huesca nga istoryahon ang management sang Global Business Power Corporation sa natabu.

(att)