NEDA VI Nag-athag Nga Nag-agi Sa Scientific Calculation Ang Ginrekomendar Nila Nga Php 8.00 Nga Reguar Fare Sa Mga Depasahero Nga Jeep

Western Visayas – Nag-agi sa scientific calculation ang otso pesos nga regular fare nga ginsuhestyun sang National Economic and Development Authority ukon NEDA VI.

Ginpa-athag ni Director Ro-Ann Bacal nga nagaka-igo ang piso kag 50 sentimos nga dugang sa saka sa pletehan sang depasahero nga jeep. Ginbase ang calculation suno kay Bacal sa presyo sang nagapanguna nga mga produkto, inflation rate, sweldo kag epekto sang Tax Reform for Acceleration and Inclusion ukon TRAIN Law.

Gin-athag ni Bacal nga nalab-ut nila ang calculation base sa natipon nga data sang Enero subong nga tuig sang ginpangayuan sila sang opinion sang LTFRB 6 tuhoy sa petiton for fare increase sang mga transport groups sa Iloilo.

12 pesos ang orihinal nga ginahingyo sang ICLAJODA, ICADA kag CIPJODA nga plete sang regular nga mga pasahero apang nagpasugot nga himuon 10 ka pesos kasunod sang public hearing sa petition sang damlag lang. Nakadepende na sa LTFRB central office kon aprubahan ang petition.