Lalaki nga bag-o lang nakaguwa sa presuhan, nadakpan sa buy bust operation sang Mandurriao police

Iloilo City–Nadakpan sa buybust operation sang Mandurriao police ang lalaki nga bag-o lang nakaguwa sa presuhan.

Ginkilala ni Chief Inspector Juvy Navales, hepe sang Mandurriao Police Station, ang arestado kay Melchor Tayco sang San Juan, Molo.    Suno kay Navales, natabu ang drug transaction sa Brgy. Tabucan, Mandurriao kaina sang kaagahon. Nakuha kay Tayco ang walo ka sachets sang suspected shabu.

Ginpahayag ni Navales nga duha pa lang ka bulan nga nakaguwa sa presuhan si Tayco bangud man sa kaso may kaangtanan sa illegal drugs apang namonitor nga nagbalik ini sa pagbaligya sang illegal nga druga.

Preso na si Tayco sa Mandurriao Police Station. (AGB)