KLASE SA PRE-SCHOOL, KINDERGARTEN KAG ELEMENTARY LEVEL SA ILOILO CITY, SUSPENDIDO BANGUD SANG BAGYO BASYANG

Iloilo City — Suspendido ang klase sa pre-school, kindergarten kag elementary sa pampubliko kag pribado nga mga eskwelahan sa syudad subong nga adlaw.

Gin-anunsyar ini ni City Administrator Hernando Galvez matapos napa-idalum sa storm signal number 1 ang Iloilo dala sang Bagyo Basyang. Suno kay Galvez, si Mayor Joe Espinosa ang nagmandu sang announcement kagab-i bisan nga wala siya sa syudad bangud nagtambung sa meeting nga ginpatawag ni Presidente Rodrigo Duterte sa Cebu.

Nakadepende naman suno kay Galvez sa principal ukon administrator sang mga eskwelahan sa secondary level ang pagsuspender sang ila klase. (JoMaque)