Operator sang STL sa probinsya, nanginwala sa akusasyon batuk sa iya ni PCSO board member Sandra Cam angut sa illegal drug trade

Iloilo City — Ginpanginwala sang operator sang STL sa probinsya ang akusasyon ni PCSO Board Member Sandra Cam nga involved siya sa illegal drug trade kag yara sa drug list sang Philippine National Police.

Wala sang ideya si Mr. Sam Aguilar, operator sang Eagle Crest Gaming Corporation, kon diin ginkuha ni Cam ang mga impormasyon nga iya ginbuyagyag sa joint public hearing sang Senado kag Kamara angut sa PCSO controversies kahapon. Isa si Aguilar sa mga resource persone sa hearing.

Sa akusasyon ni Cam, si Aguilar ang nagasupply sang illegal drugs sa Panay kag Negros Island. Anay empleyado suno sa iya si Aguilar sang National Bilibid Prison sang early 90’s kag nagserbi nga secretary ni retired General Vicente Vinarao, ang anay director sang NBP. Gin-alegar ni NBP nga sa stint ni Aguilar sa NBP, nakahimo siya sang koneksyon sa mga bigtime drug personalities kag nakakuha siya sang daku nga kuwarta halin sa drug lords kag involved sa illegal drug trade sa pungsod. (JoMaque)