Iloilo Sports Complex, handa na sa pagbukas sang WVRAA 2018 buwas

Iloilo City–Handa na ang masobra tatlo ka libo ka atleta, coaches, assistant coaches kag chaperons sa opening ceremony sang Western Visayas Regional Athletic Association ukon WVRAA Mmeet 2018 buwas sa hapon.

Maga-umpisa ang parade halin sa Iloilo Provincial Capitol pakadtu sa Iloilo Sports Complex sa diin hiwaton ang programa.

Naka-abot na sa ila tagsa ka billeting areas ang mga delegado halin sa Capiz, Iloilo, Guimaras, Aklan, Antique kag Negros Occidental.

Sa isa ka semana nga event, 16 ka events ang  pagahampangon sa elementary level, 22 events sa secondary, apat sa paralympics kag tatlo ka demo sports nga ginalakipan sang dance sports, aerobics gymnastics kag pencak silat.

Ang WVRAA Meet 2018 nga may tema “Stronger Western Visayas: Synergy for Sports Supremacy” ang magapili sang pinakamaayo nga atleta sa Rehiyon 6 nga ang magapasakup sa 2018 Palarong Pambansa sa Vigan, Ilocos Sur sa Abril 15 tubtub 21.

Ang WVRAA 2018 magatakup sa Pebrero 23. (AGB)