Mangingisda, patay matapos nga nalumos sa baybayon sang Tigbauan

Tigbauan, Iloilo — Patay ang 20 anyos nga mangingisda matapos nalumos sa baybayon sang Brgy. Atabayan, Tigbauan. Suno kay Lieutenant Senior Grade Rodolfo Dela Peña sang Coast Guard Iloilo Station, wala na nakabutwa si Joshua Cabaluna sang nasambit nga barangay sang nagkulob ang ginasakyan nga baroto pasado alas 2 sang hapon kahapon. Naghimo sang search and rescue operation ang coast guard kag pagkaligad sang 3 ka oras kag 30 minutos, nakit-an ang lawas ni Cabaluna nga nagautaw-utaw. (JoMaque)