Mga residente sa palibot sang coal plant sa Lapaz, nagreklamo sa mala-eroplano nga gahod halin sa planta

Iloilo City — Nagreklamo ang pila ka residente sa palibot sang coal-fired power plant sa Barangay Ingore, Lapaz sa gulpi nga gahud nga ila nabatian kagab-i. Suno kay Mr. Jaena, kapareho sa eroplano nga nagahugpa ang ila nabatian mga alas 6 ukon alas 7 sang gab-i. Makapila ka beses na nga gulpi lang nagagagud ang planta apang wala gid paathag halin sa management suno kay Mr. Jaena.

Ginkomfirmar sang iban nga residente ang gulpi nga gahud nga daw ginagaling nga bato ang tunog apang nauntat man makaligad ang ginabanta isa ka oras. May mga residente man nga naghambal nga wala sila sang nabatian nga gahud. (JoMaque)