Presidente Rodrigo Duterte, maabot sa Iloilo buwas suno sa PIA

Iloilo–Maabot sa Iloilo si Presidente Rodrigo buwas.

Base sa media advisory sang Philippine Information Agency, nagapanguna sa itenirary sang presidente ang pagbisita sa hamyang ni Ilongga OFW Joanna Demafelis sa Barangay Ferraris, Sara nga nasapwan sa sulod sang freezer sa Kuwait. Sa proposed program of activities, sugataun ang presidente nanday Governor Arthur Defensor, 5th District Congressman Boboy Tupas, ACTS-OFW Partylist Representative Aniceto Bertiz III, Labor Secretary Silvestre Bello III, OWWA Administrator Hans Leo Cacdac kag ginikanan ni Joanna nga sanday Mrs. Eva kag Mr. Crisanto Demafelis.

Nabutang man sa programa nga makadto si Duterte sa Dingle para sa establishment sang Tienda para sa mga Bayani, Tienda Farmers and Fisherfolks Outlet nga partnership upod sa Armed Forces of the Philippines.

May turnover man sang certificates sa mga recipients sang egg layer and machinese kag makig-istorya man si Duterte sa mga tropa sa 6th Regional Community Defense Group Ground sa Camp General Adriano Hernandez. (AGB)