(UPDATE) Menor-de-edad nga isa sa mga nadakpan sa buy bust operation sa Smallville Complex, ginpasakaan sang kaso

Iloilo City–Ginpasakaan sang kaso ang menor-de-edad nga isa sa tatlo ka nadakpan sa buy bust operation sa Smallville Complex sang Domingo sang kaagahon.

Ginconfirmar ni Chief Inspector Marlon Valencia, hepe sang Molo Police Station, nga ginpasakaan sang kaso nga conspiracy si alyas Laklak, 16-anyos. Pareho man nga kaso ang ginfile kay Lindoy Aristosa, 29-anyos. Samtang kaso nga paglapas sa Dangerous Drugs Board ang ginfile sa subject sang buy bust operation nga si Marcus Philip Esteliogo, 26-anyos. Ang tatlo ka nadakpan, lunsay residente sang Desamparados, Jaro.

Ginturn-over sang police si Laklak sa Balay Dalayunan samtang preso sa Molo Police Station sanday Esteliogo kag Aristosa. (AGB)