Deployment ban sang mga OFWs sa Kuwait, may daku nga epekto sa mga employers–Club Ilonggo

Kuwait–May daku nga epekto sa mga employers sa Kuwait ang ginpatuman nga deployment ban sang mga overseas Filipino workers sa nasambit nga pungsod bangud kalabanan sa mga household workers ang mga Pinay.

Suno kay Mr. Oliver Diong sang grupo nga Club Ilonggo sa Kuwait, madugay na nila ginaduso ang pag-ban sang pagpadala sang mga Filipino household workers sa Kuwait bangud adlaw-adlaw, may ginareport nga runaway nga mga Pinay. Apang gina-ayo lang nila nga bawion ang ban sa mga skilled workers.

Makabig suno sa iya nga wake up call sa Kuwaiti government ang deployment ban sang Pilipinas nga dapat man nga halungan sang mga employers ang mga Pinoy nga nagatrabaho sa ila.

Sa kaso naman sang Ilongga nga si Joanna Demafelis, gin-ako ni Diong nga wala sang impormasyon angut sa pagkadula sang OFW antes siya nasapwan sa sulod sang freezer sa abandonado nga apartment makaligad ang isa ka tuig. (AGB)