Tokhang surrenderer, patay sa buy bust operation sa Antique

Patnongon, Antique–Patay ang tokhang surrenderer sa buy bust operation sa Patnongon, Antique kahapon sang kaagahon.

Base sa nakalab-ut nga report kay Police Regional Office 6 Spokesperson Gilbert Gorero, namutikan sang subject nga si Rodney Ortea alyas Sumpit, 38-anyos sang Carit-an, Patnongon, nga pulis ang iya ka-transaksyon gani iya gintiro pero wala naigo. Nagbalos man palupok ang pulis kag naigo sa dughan si Ortea. Nagresponder pa si Dr. Solomon Pacheco apang wala natabangan ang subject.

Nakuha sang mga pulis sa crime scene ang tatlo ka sachets sang suspected shabu, mil 360 pesos nga buy bust money, 38-caliber revolver nga may tatlo ka bala, cellphone kag motorsiklo. (AGB)