Ginabanta P100K nga balor sang suspected shabu, nakumpiskar sa subject sang buy bust operation
Iloilo City — Arestado sa buy bust operation sang Police Station 1 Drug Enforcement Unit ang subject nga si Mark Lloyd Felizario alyas “Toto Agi” sang Zamora-Melliza, City Proper. Nakuha sang mga operatiba ang lima ka sachets (1 ka gamay nga sachet kag apat ka bulto) sang suspected shabu nga ginabanta may street value nga P100,000.
Natukiban man nga may pending warrant of arrest si Felizario sa kaso nga pagpangawat.
Magluwas kay Felizario, gindakup man ang iya magulang nga si Mary Lou, 40-anyos. Ginsaysay ni Mary Lou nga nagkitaay lang sila sang iya utod sa pharmacy sa City Proper apang pati siya ang gindakup. Gin-ako sini nga involved gid man sa illegal drugs ang iya utod kag ginlaygayan man sang ila pamilya nga untatan ang bisyo. Isa ka tuig na suno kay Mary Lou nga wala nakapauli sa ila si Toto Agi bangud naga-board ini sa San Juan, Molo. (JoMaque)