Ilongga OFW Nga Una Na Nagreklamo Wala Ginpakaun Sang Halos Duha Ka Semana Kag Wala Man Ginsweldohan Sang Employer Sa Riyadh Nakapauli Na Sa Pungsod

Manila — Naka-abot na sa pungsod ang Ilongga Overseas Filipino Worker sa Riyadh nga nagreklamo wala ginpakaun sang halos duha ka semana kag wala man naswelduhan sang anum ka bulan.

Ginabanta las dyes kagab-e nag-abot sa Ninoy Aquino Internation Airport si Jona Teves, 30-anyos sang Brgy. Napnapan Norte, Tigbauan.

Upod ni Teves nga nag-abot sa pungsod ang OFW nga tumandok sa Ilocos nga nagreklamo man sa pagtratar sa iya sang iya employer.

Temporaryo nga nagtenir sa airpot ang mga OFW bangud wala sang mag nagsugat sa ila nga representante sang ila agency nga Bumiputra Gulf Company Incorporated.

Nagpasalig ang manager sang agency suno kay Teves nga sila ang mabayad sang ticket halin sa Manila pakadto sa Iloilo apang napaslawan.

Wala sang representante ang Overseas  Workers Welfare Administration ukon OWWA sa pagsugat kay Jona sa airport.

(att)